14
Aug
07

ಅಸ್ಪಷ್ಟ ಚಿತ್ರಗಳ ಬೇಟೆ.

            ಬಿಮ್ಮೆನುತ ಸುಳಿದಾಡುವ ಗಾಳಿಗೆ ಮೈಯೊಡ್ಡಿ ನಿಂತು ದೂರ ದೂರದ ಅದೃಶ್ಯ ಅಸ್ಪಷ್ಟ ಚಿತ್ರಗಳನ್ನು ಹುಡುಕುತ್ತಿದ್ದಾಗ, ಸೂರ್ಯ ನೆತ್ತಿಯ ಮೇಲೆರಿ ಬಿಸಿಲು ಮಳೆ ಸುರಿಸುತ್ತಿದ್ದ ಧರೆಯ ತುಂಬೆಲ್ಲ. ತಣ್ಣನೆಯ ಗಾಳಿಗೆ ಹದವಾಗಿ ಬೆರೆತ ಸೂರ್ಯನ ರಶ್ಮಿ ಮೈಮನವೆಲ್ಲ ಬೆಚ್ಚಗಿರಿಸಿತ್ತು. ದೂರ ದೂರದ ಕನಸುಗಳ ಬೆನ್ನತ್ತಿ ಹೊರಟಿದ್ದೆ ದೇಹಮಾತ್ರ ಇಲ್ಲೆ …ಮನಸು ಎಲ್ಲೊ, ಗಾಳಿಯ ಬಡಿತಕ್ಕೆ ಹಾರುವ ಕೂದಲುಗಳು ತಾಳ ತಪ್ಪಿದ ರಾಗದಂತೆ ಭಾಸವಾಗುತ್ತಿದ್ದವು. ಸ್ವಲ್ಪ ಗಾಳಿ ಕಡಿಮೆಯಾದಂತೆ ಮತ್ತೆ ತನ್ನ ಸ್ಥಾನಕ್ಕೆ ಮರಳಲು ಪರಿತಪಿಸುತಿದ್ದವು, ಆಗಾಗ ತಲೆ ಮೇಲೆ ಕೈಯಾಡಿಸಿ ಸರಿಪಡಿಸಿಕೊಳ್ಳುತ್ತಿದ್ದೆ ನನಗರಿವಿಲ್ಲದಂತೆ.

         ಬಿಸಲ ರಭಸಕ್ಕೆ ಕಾದ ನೆಲ, ಮೇಲೇಳುವ ಧೂಳ ರಭಸದಿಂದ ಸಂಚರಿಸುವ ಯಮಗಾತ್ರದ ವಾಹನಗಳು, ಅವುಗಳ ಕರ್ಕಶ ಹಾರನ್ನುಗಳ ಆರ್ಭಟ ನನ್ನ ಬಡಿದೆಬ್ಬಿಸಲಾಗಲಿಲ್ಲ, ಇವೆಲ್ಲದುದರ ನಡುವೆ ಪ್ರಶಾಂತ ನಿಶ್ಯಬ್ಧ ನನ್ನನಾವರಿಸಿತ್ತು. ಮೌನ ತುಟಿಯಲ್ಲಿತ್ತಾದರು ಮನಸ್ಸು ಸಾವಿರ ಪ್ರಶ್ನೆ ಕೇಳುತ್ತಿತ್ತು. ಒಂದೊಂದು ಪ್ರಶ್ನೆಗಳ ಹುಡುಕಾಟದ ತವಕ ಕಣ್ಣಲ್ಲಿತ್ತು, ಅಸ್ಪಷ್ಟ ಚಿತ್ರಗಳು ಸ್ಪಶ್ಟವಾದಂತೆಲ್ಲ ಮತ್ತೆ ಬೆರೆಲ್ಲೊ ಕಣ್ಣು ಹರಿಯುತ್ತಿತ್ತು.

          ಹಲವು ವರುಷಗಳು ತಿರುಗಾಡಿದ್ದ ಜಾಗ, ಆದರು ಇಂದು ಹೊಸದಾಗಿ ಮೈನೆರೆದ ಮುಗ್ಧ ಹುಡುಗಿಯಂತೆ ಕಾಣುತ್ತಿದೆ. ಭಾರವಾದ ಸುತ್ತಿಗೆಯಿಂದ ಬಂಡೆಗಳನನ್ನ ಜಜ್ಜಿ ಜಲ್ಲಿ ಮಾಡುತಿದ್ದ ಒಂದಷ್ಟು ಜನ. ಹೆಣ್ಣು ಗಂಡುಗಳ ಬೇಧವಿಲ್ಲದೆ ಇಡೀ ದಿನ ಜಲ್ಲಿ ಮಾಡಿತ್ತಿದ್ದ ಒಡ್ಡರು. ಮೈ ಮುಖವೆಲ್ಲ ಬೂದಿ ಬಳಿದಂತೆ ಕಲ್ಲುಪುಡಿ, ಮೂಗಿಗೆ ಬಿಗಿದ ಹಳೆಯ ಸೀರೆಯ ತುಂಡು, ಕೈಗಳಿಗೆ ರಬ್ಬರಿನ ಸುತ್ತುಗಳು, ಬಿಡುವಿಲ್ಲದೆ ಸದ್ದುಮಾಡುವ ಸುತ್ತಿಗೆಗಳು. ಪಕ್ಕದಲ್ಲೆ ಜೋಳಿಗೆಯಲ್ಲಿ ಮಲಗಿ ನಗುವ ಕಂದನ ಕಿಲಕಿಲ ನಗು, ಕಲ್ಲು ಗುಡ್ಡೆಗಳ ಮೇಲೆ ಆಡುತ್ತಿರುವ ಮಕ್ಕಳು, ಮೈಮೇಲೆ ಅರೆ-ಬರೆ ಬಟ್ಟೆಯಾದರು ಅವರ ಖುಷಿಗೆ ಕೊರತೆಯಿಲ್ಲ, ಹಸಿದ ಮಕ್ಕಳಿಗೆ ಮೊಲೆ ಹಾಲುಣಿಸುತ್ತಿರುವ ತಾಯಂದಿರ ನಮ್ರತೆಯ ಮುಖಗಳು ಎಲ್ಲವೂ ಮಾಯ.

          ಈಗ ಅಲ್ಲಿ ದೊಡ್ಡದಾಗಿ ದನಿಮಾಡುತ್ತ, ಕಾರ್ಮೊಡದಂತೆ ಹೊಗೆಯನುಗುಳುವ ಕ್ರಷರ್ಗಳ ನಾದ ಕೇಳುತ್ತಿದೆ. ಪರ್ವತದಂತ ಜಲ್ಲಿ ಕಲ್ಲಿನ ರಾಶಿಯನ್ನು ಸಾಗಿಸಲು ನಿಂತ ಭಾರಿ ವಾಹನಗಳ ಸಾಲು. ಅಲ್ಲಲಿ ನಿಲ್ಲಿಸಿ ಟೀ, ಕಾಫೀಗಾಗಿ ಸಣ್ಣ ಡಬ್ಬಿಯಂತ ಅಂಗಡಿಯ ಮುಂದೆ ಕಲ್ಲುಹಾಸಿನ ಮೇಲೆ ಕೂತು ತನ್ನದೆ ಲೋಕದಲ್ಲಿ ತನ್ಮಯರಾಗಿ ಬೀಡಿ ಸೆದುತ್ತಿರುವ ಚಾಲಕರು. ಗಾಡಿಯಲ್ಲೆ ಉಳಿದು ಶುಚಿಮಾಡುತ್ತಿರುವ ಹದಿಹರೆಯದ ಕ್ಲೀನರ್ ಗಳು, ದಿನ ರಾತ್ರಿಯ ಪರಿವೆ ಇಲ್ಲದೆ ಟೀ-ಕಾಫೀ ಮಾಡಿ ನಿಂತಲ್ಲೆ ತೂಕಡಿಸುವ ಅಂಗಡಿಯವ. ಜಗವೆಲ್ಲ ಅವರವರ ಬದುಕಿನ ಕುದುರೆ ಬೆನ್ನತ್ತಿ ಸಾಗುವಾಗ ಕತ್ತಲಲ್ಲಿ ಸೋತು ಹಗಲಲ್ಲಿ ಮತ್ತೆ ಕತ್ತಲ ಹುಡುಕುತ್ತ ಸಾಗಿರುವ ಹತಭಾಗ್ಯ ಹೆಣ್ಣು ಮಕ್ಕಳು. ಅಂದು ಜಲ್ಲಿ ಒಡೆದು ಬದುಕುತ್ತಿದ್ದ ಜೀವಿಗಳಲ್ಲಿ ಕೆಲವರು ವಲಸೆ ಹೋದರು ಮತ್ತೆ ಹಲವರು ಇಲ್ಲೆ ಬದುಕು ಸಾಗಿಸಲು ಅನ್ಯ ದಾರಿ ಕಂಡರು.


0 Responses to “ಅಸ್ಪಷ್ಟ ಚಿತ್ರಗಳ ಬೇಟೆ.”



  1. Leave a Comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s


ಯಾವಾಗ ಬರೆದದ್ದು.

ಈ ತಿಂಗಳ ಪಂಚಾಂಗ.

August 2007
M T W T F S S
« Jul   Oct »
 12345
6789101112
13141516171819
20212223242526
2728293031  

p

Powered by eSnips.com

%d bloggers like this: